Ил Дархан коронавируһу утары быһыыны ылла

26.01.2021
Бөлөххө киир:

СӨ Ил Дархана Айсен Николаев тохсунньу 26 күнүгэр Дьокуускай куорат 5-с №-дээх поликлиникатыгар “ГамКовидВак” (“Спутник V”) быһыы бастакы укуолун ылла. Иккис укуолун кини олунньу 16 күнүгэр ылыаҕа.

— Коронавируснай инфекцияны утары быһыыны биэрии Дьокуускайга уонна өрөспүүбүлүкэ 23 улууһугар көхтөөхтүк бара турар. Сорох улуустарга вакцина саҥа тиэрдилиннэ уонна аҕыйах күнүнэн быһыыны биэрии саҕаланыаҕа. Күн-дьыл туруга мэһэйдээн, үс улууска тиэрдиллэ илик, ол эрээри тымныы, туман уҕараатар эрэ, тиэрдиллиэҕэ.

Аан дойдуга бастакынан биһиги дойдубутугар коронавирустан көмүскүүр вакцина баар буолбута – улахан ситиһии. Көдьүүстээҕэ уонна дьон доруобуйатыгар буортута суоҕа дакаастанна. Саҥа дьыл иннинэ быһыыны ылбыт дьоҥҥо номнуо “антитела” үөскээбит, ол аата кинилэр билигин ыалдьыахпыт диэн куттамматтар. Быһыыны ылан баран, ким да мөлтөөн ылбыт, ыалдьыбыт түбэлтэтэ тахсыбата, — диэн кини эттэ.

Ангелина Васильева, «Саха сирэ» хаһыат, edersaas.ru

Хаартыска: sakha.gov.ru

+1
0
+1
0
+1
0
+1
0
+1
0
+1
0
+1
0