Егор БОРИСОВ, Саха Өрөспүүбүлүкэтин Ил Дархана:
— Бу өрөбүлгэ Россия Федерациятын бэрэсидьиэнин быыбара ыытыллар. Дьылҕаны быһаарар түгэн Крым уонна Севастополь Россия Федерациятын кытта холбоспут бырааһынньыгын күн ыытыллара бэлиэ суолталаах. Бүгүн дойдубут куттал суох буолуутун уонна элбэх омуктаах норуотун интэриэһин, хас биирдии киһи тупсаҕай олохтонуутун, туруктаах буолууга олоҕуран тирэхтээхтик сайдарын, былаас уонна уопсастыба хардарыта ыллыктаах сыһыаннаһыыларын үрдүктүк тутар аан дойдуга улуу держава буоларын өссө төгүл бигэргэттэ.
Бу быыбар иннинээҕи “буһуу-хатыы” күннэригэр быыбардааччылар үгүс утарыта ис хоһоонноох иһитиннэриини ылынарга уонна ырыҥалыырга күһэллэллэр. Сороҕор гражданнарга, ордук ыччакка, бу быыбар тугунан түмүктэнэрэ быһаарыллан турар, онон кинилэртэн туох да тутулуга суох диэн санааны соҥнуу сатыыллар. Маннык сыһыан төрдүттэн сөбө суох уонна кутталлаах даҕаны. Биһиги ээл-дээл буолар, саарбаҕалааһыны уонна быһаарыыта суох буолууну таһаарар бырааппыт суох. Хас биирдиибит политическай көрүүлэриттэн тутулуга суох өйдүөхтээх: өскөтүн кини куоластааһыҥҥа кыттыбатаҕына, кини оннугар атыттар быһаарыы ылыныахтара.
Биһиги өрөспүүбүлүкэбит олохтоохторо быыбарга куруук эппиэтинэстээхтик сыһыаннаһаллар. Саха сирин олохтоохторо, үгэс курдук, үрдүк кыттыыны көрдөрөллөр, итинэн кинилэр туора турбаттарын, ханнык туһаайыынан иннибит диэки барыахтаахпытын, сарсыҥҥы күҥҥэ төһө эрэллээхпитин бигэргэтэллэр.
Эһигини кулун тутар 18 күнүгэр быыбардыыр учаастактарга кэлэн, биһиги инники кэскилбитин быһаарарга бэйэҕит баҕа санааҕытын биллэрэргитигэр ыҥырабын!