Ил Дархан кардиологическай, онкологическай уонна инфекционнай сулууспалары сайыннарыыга саҥа сорудахтары туруорда

Бөлөххө киир:

Бэҕэһээ, тохсунньу 28 күнүгэр, Ил Дархан Айсен Николаев  кардиологическай, онкологическай уонна инфекционнай сулууспалары сайыннарыыга туһуламмыт сүбэ мунньаҕы ыытта.

«Биһиги анал сулууспалар үлэлэрин саҥа таһымҥа таһаарыахтаахпыт. 2030 сылга диэри өрөспүүбүлүкэ доруобуйа харыстабылын сайдыытын стратегиятын ылыныы, сүрэх- тымыр уонна онкология ыарыыларын, үрдүк профессиональнай мэдиссиинискэй кадырдары бэлэмнээһин, доруобуйа харыстабылын тиһигин бөҕөргөтүү Ыйааҕын толоруу, доруобуйа харыстабылын министиэристибэтигэр  уонна  бырабыыталыстыбаҕа  болҕомто киинигэр туруохтаах», — диэн Айсен Николаев бэлиэтээн эттэ.

Тутулла турар Кардиососудистай киин биир кэлим кардиологическай сулууспа бас-көс тэрилтэтинэн буолуохтаах.

180 куойкалаах итиэннэ поликлиникалаах онкологическай киин үлэҕэ киирдэҕинэ, онкологическай ыарыылаах дьону эрдэ диагностикалааһын, эмтээһин тэтимириэҕэ.  Билигин онкологтар улахан болҕомтолорун скриниҥҥа уураллар. Ол курдук онкоскрининг кэбиниэттэрэ аһыллаллар.  «Онкодесант» бырайыагы өссө кэҥэтии былааннанар.

Эрэгийиэн инфекционнай сулууспатын сайыннарыыга улахан соруктар тураллар. Өрөспүүбүлүкэҕэ оҕо инфекционнай балыыһата эрэ баар.  Улахан дьоҥҥо аналлаах туһунан  балыыһа суох. Өрөспүүбүлүкэтээҕи килиниичэскэй балыыһа базатыгар  100 куойкалаах отделение эрэ баар.

Онон Өрөспүүбүлүкэтээҕи инфекционнай килиниичэскэй балыыһаны тэрийии соруга турар. Билигин бырайыактыыр-симиэтэлиир докумуона оҥоһулунна.

СӨ Ил Дарханын уонна бырабыыталыстыбатын пресс-сулууспата

+1
0
+1
0
+1
0
+1
0
+1
0
+1
0
+1
0