Ил Дархан искэни эмтиир диспансер тутуутун билистэ

Бу 6,8 млрд.солк. суумалаах тутуу. Кэпсээбиттэринэн, симиэнэҕэ 210 киһи сылдьан көрдөрөр поликлиникалаах, 180 куойкалаах, хаһаайыстыбаннай блоктаах буолуохтаах. Уопсай иэнэ 25 тыһ. кв.м. тахса. Тутууга «Кинг — 95» уонна «Адгезия» ХЭУо, уопсайа 161 киһи үлэлии сылдьар.

Ил Дархан доруобуйа харыстабылыгар өрөспүүбүлүкэҕэ уонна Уһун Илиҥҥэ тутулла турар улахан эбийиэк федеральнай бүддьүөттэн үбүлэнэрин бэлиэтээтэ. «Тутуу этэҥҥэ салҕанар. Быйылгы сыллааҕы үлэ барыта кэриэтэ оҥоһуллубут. Былаан быһыытынан  диспансер 2023 сылга тутуллан бүтүөхтээх. Тыһыынчанан киһиэхэ олус наадалаах диспансеры тутуу тэтимиттэн көрдөххө, 2022 сыл бүтүүтүгэр үлэҕэ киириэн сөп», — диэтэ Айсен Николаев.