Күндү Саха сирин олохтоохторо!
Саха Өрөспүүбүлүкэтин салалтатын уонна тус бэйэм ааппыттан эһигини Төрөөбүт тыл уонна сурук-бичик күнүнэн итиитик-истиҥник эҕэрдэлиибин!
Бу күн биһиги өрөспүүбүлүкэбит халандаарыгар ураты миэстэни ылар. Биһиги бу бырааһынньыгы саха норуотун чулуу уола – Саха сирин бастакы лингвист-учуонайа, үөрэҕи тарҕатааччы, демократ, реформатор уонна сахалыы суругу-бичиги төрүттээбит, саха тылынан бастакы үөрэх кинигэлэрин оҥорон, бэчээттэтэн таһаарбыт Семен Андреевич Новгородов төрөөбүт күнүгэр бэлиэтиибит.
Үйэттэн үйэҕэ харыстаан илдьэ кэлбит ийэ тылбыт баайын, сүмэтин, кэрэтин кэнэҕэски ыччакка чөл хаалларар хас биирдиибит ытык иэспит. Саха Өрөспүүбүлүкэтигэр биллэриллибит Сомоҕолоһуу сылыгар биһиги ыччат ортотугар төрөөбүт тылга тапталы, атын омуктар култуураларыгар уонна үгэстэригэр ытыктабыллаах сыһыаны иитэр үлэни салгыы ыытыахпыт. Маассабай ааҕыыны өйүүргэ, тыллары үөрэтиигэ аныгы технологиялары туһанарга, тыллары үөрэтэр интэриэһи үрдэтэргэ уонна көҕүлүүргэ туһаайыллыбыт дьаһаллар кэккэлэрин кэҥэтиэхпит.
Төрөөбүт тыл уонна сурук-бичик күнэ элбэх омуктаах өрөспүүбүлүкэбитигэр ил, эйэ уонна сомоҕолоһуу өрөгөйүн бэлиэтиир үгэһи олохтоотун! Бука барыгытыгар чэгиэн-чэбдик буолууну уонна табыллыыны, чэлгийэ сайдыыны баҕарабын!
Саха Өрөспүүбүлүкэтин Ил Дархана А.С. Николаев.