Ил Дархан иһинэн үлэлиир Арктика сэбиэтин аатын уларыттыллар

Ааптар: 
Бөлөххө киир:

Бу туһунан бэҕэһээ бырабыыталыстыба бэрэссэдээтэлин бастакы солбуйааччы Петр Алексеев , Ил Дархан иһинэн үлэлиир Арктика сэбиэтин уонна төрүт олохтоох хотугу аҕыйах ахсааннаах омуктар ассоциацияларын сүрүннүүр сүбэтин холбоһуктаах мунньаҕар иһитиннэрдэ.

edersaas.ru


Билигин Арктика сэбиэтин хабар эйгэтин кэҥэтэн, Арктика уонна муора сэбиэтэ диэн уларытан ааттыыр туһунан Ил Дархан ыйааҕа бэлэмнэнэ сылдьар эбит. Сүрүн иһитиннэриини оҥорбут Арктика дьыалаларыгар судаарыстыбаннай кэмитиэт бэрэссэдээтэ Прокопий Николаев «2014-2017 сс. уонна 2020 сылга диэри Арктика уонна хотугу улуустар социальнай-экономическай сайдыылара» бырагырааманы олоххо киллэриигэ 18 министиэристибэ уонна биэдэмистибэ, 13 улуус үлэлиирин бэлиэтээтэ. Былырыыҥҥы сылынан бырагыраама бастакы түһүмэҕэ түмүктэммитин быһааран туран, ыытыллыбыт үлэни-хамнаһы сырдатта. Ол курдук, ааспыт 2017 с. өрөспүүбүлүкэ бүддьүөтүттэн көрүллүбүт харчынан таба базата (7,5 мөл. солк.), биэс хараал (7,1 мөл. солк.), 10 км усталаах күрүө (2,5 мөл. солк.) тутуллубут, буойуна сыаҕа (9,5 мөл. солк.), тиэхиньикэ итиэннэ табаһыттарга 14 көһө сылдьар дьиэ (5 мөл. солк.) атыылаһыллыбыт. Болҕомто аны булт хаһаайыстыбаларын базатын хаҥатыыга ууруллара наада буолбут.

Арктикаҕа, хотугу улуустарга тарыып уонна сыана уратыларын туһунан ырытыыны сыана бэлиитиикэтигэр судаарыстыбаннай кэмитиэт бэрэссэдээтэлэ Антонина Винокурова оҥордо, төрүт олохтоох аҕыйах ахсааннаах хотугу омуктар ассоциацияларын VII сийиэһин түмүгүн туһунан бу ассоциация бэрэсидиэнэ Андрей Кривошапкин кэпсээтэ.

Мунньаҕы түмүктүүрүгэр, Петр Алексеев судаарыстыбаннай бырагыраама Арктиканы сайыннарыыга туһуламмыт хос салааларын бары өрөспүүбүлүкэтээҕи судаарыстыбаннай бырагаамаларга киллэрии үлэтэ ыытылларын эттэ.

Раиса СИБИРЯКОВА, “Саха сирэ”, edersaas.ru

+1
0
+1
0
+1
0
+1
0
+1
0
+1
0
+1
0