СӨ Ил Дархана Айсен Николаев бүгүн, ахсынньы 26 күнүгэр, М.К.Аммосов аатынан ХИФУ ректорын Анатолий Николаевы кытары көрүстэ.
Көрсүһүүгэ биир сүрүн боппуруоһунан университеты 2021-2025 сылларга сайыннарарга саҥа бырагырааманы бэлэмнээһин туһунан буолла. Билиҥҥи кэмҥэ бырагыраама РФ Наукаҕа уонна үрдүк үөрэххэ министиэристибэтигэр көрүллэр, федеральнай министиэристибэлэр сөбүлэҥнэригэр сылдьар. Маннык стратегическай докумуону ылынарга эрэгийиэн санаата уонна өйөбүлэ ордук суолталаах. ХИФУ Уһук Илини уонна Арктиканы хабар соҕотох федеральнай университет буолар.
Маны сэргэ кампуһу тутуу туһунан кэпсэттилэр.
—Биһиги мэдиссиинэ институтун саҥа куорпуһа тутуллуон баҕарабыт. Иккис-үһүс уочаратынан естественнай хайысхалар уонна педагогическай институттар, — диэтэ ректор Анатолий Николаев. — Балар кэккэлэстэхтэринэ, педагогическай дьиссипилиинэлэргэ бэлэмнэнии хаачыстыбата тупсуоҕа.
Маны таһынан, федеральнай университет национальнай бырайыактары олоххо киллэриигэ, Дьокуускай Тотальнай дьыктаан киининэн буолар иһин түмүк куонкуруһугар бэлэмнэниигэ кыттыыларын туһунан боппуруостар таарылыннылар
СӨ Ил Дархан уонна Бырабыыталыстыба пресс-сулууспата
Андрей Сорокин хаартыската
+1
+1
+1
+1
+1
+1
+1