Бүгүн ТайгаПост саайт, бу дьыл алтынньы 18 күнүнээҕи СӨ Үөрэҕин уонна наукатын миниистирин эбээһинэһин толорооччу Михаил Присяжнай СӨ муниципальнай оройуоннарын уонна куораттааҕы уокуруктар баһылыктарыгар анаан ыыппыт суругун таһаарбыта. Онно, сыллата ыытыллар Ил Дархан истипиэндьийэтин туттарыыга сүүмэрдиир куонкурус тохтотулунна диэн суруллубут.
edersaas.ru
Ил Дархан харыйата оҕо, төрөппүт барыта кэтэһэр биир улахан тэрээһининэн буолар. Сыллата Саха сирин араас муннугуттан 700 талааннаах, үөрэҕэр ситиһиилээх оҕо кэлэн Ил Дархан илиититтэн истипиэндьийэни тутара. Онон ити сурах социальнай ситимнэргэ киэҥник тарҕанна, дьону улаханнык соһутта.
Ол эрээри, сотору буолаат, Ил Дархан харыйатыгар истипиэндьийэни туттарыы оннунан хаалар үһү диэн иһитиннэрдилэр. Итиннэ быһаччы сыһыаннаах үлэһиттэн туоһуласпыппар, эмиэ бигэргэттэ. Онон Ил Дархан харыйатын ыытыы үтүө үгэһэ кэһиллибэт.
Людмила ПОПОВА, “Саха сирэ” хаһыат, edersaas.ru
+1
+1
+1
+1
+1
+1
+1