Ил Дархан Харыйатын кыттыылаахтарыгар “Аптаах Саҥа дьыл” онлайн-симиэнэ тэриллэр
“Бэс Чагда” оҕо сынньалаҥын уонна доруобуйатын бөҕөргөтөр киин кэллэктиибин тэрийиитинэн, 2020 сыл ахсынньы 15-20 күннэригэр СӨ Ил Дарханын стипендиаттарыгар аналлаах “Аптаах Саҥа дьыл” онлайн-симиэнэ ыытыллар.
Саха сирин бары улууһун 700 туйгун, көхтөөх, Бүтүн Арассыыйатааҕы уонна өрөспүүбүлүкэтээҕи куонкурустарын, бэстибээллэрин, күрэхтэһиилэрин, олимпиадаларын кыайыылаахтара, кыттыылаахтара уонна бастыҥ спортсменнар бу күннэргэ онлайн көрсүөхтэрэ.
Кинилэргэ анаан “Бэс Чагда” киин педагогтара 14 күннээх таһаарыылаах бырагырааманы толкуйдаатылар. Онлайн көрүҥүнэн ыытыллыыта тэрээһин бэһиэлэйдик уонна интэриэһинэйдик барарын харгыстаабат. Оҕолору аралдьытар бырагыраама, саҥа дьыллааҕы чек-лист күүтэр: бэйэ илиитинэн аккырыыкка толкуйдаан, хаартыскаҕа түһэн, саҥа сыл бэлиэтин уо.д.а. оҥорон баттаһыахха наада.
Ону тэҥэ, СӨ Идэҕэ бэлэмниир урутаан иһэр киин “Бэс Чагда” Инстаграмынан “Классные встречи” диэн идэҕэ туһаайар кэккэ тэрээһиннэри, ситиһиилээх дьону кытта эпиирдэри ыытыахтара. Кинилэр кэккэлэригэр билигин араас идэлэргэ үөрэнэ сылдьар 2017 сыллааҕы Ил Дархан Харыйатын кыттыылаахтара баар буолуохтара.
Сыллата СӨ Ил Дарханын стипендиттара Цииркэҕэ бырааһынньыктааҕы бырагыраамаҕа кытталлара. Ол эрээри, быйыл дьаҥы тарҕаппат туһуттан, Саҥа дьыллааҕы Харыйа тэлэбиисэринэн барыаҕа. Ол оннугар, Саҥа дьыллааҕы остуоруйаны сүүһүнэн оҕо буолбакка, дойду мөлүйүөнүнэн оҕото көрөр кыахтаныаҕа.