Саха сирин оскуолаларын үөрэнээччилэрэ сыллата СӨ Ил Дарханын Харыйатыгар мусталлар. Быйыл тэрээһин ахсынньы 26 күнүгэр ыытыллыаҕа.
Ил Дархан Харыйатын иитинэн ыытыллар тэрээһиннэр номнуо нэдиэлэ инниттэн саҕаланаллар. Коронавируһунан сибээстээн, ирдэнэр миэрэлэр бары тутуһуллаллар. Үгэс быһыытынан Саҥа сыллааҕы (дьыллааҕы) үөрүүлээх бырааһынньык ахсынньы 26 күнүгэр Цииркэҕэ буолуоҕа. “Саха” НКИХ быһа эппиринэн көрдөрүөҕэ. Оҕолор остуоруйа аптаах дойдутугар баар буолуохтара. Уопсайа, 700 оҕо хабыллара былааннанар диэн министиэристибэҕэ иһитиннэрдилэр.
Санатан эттэххэ, кэтэһиилээх, үөрүүлээх тэрээһиҥҥэ Саха сирин оскуолаларын бастыҥ үөрэнээччилэрэ, өрөспүүбүлүкэ, дойду таһымнаах олимпиадалар, күрэхтэһиилэр, куонкурустар призердара мусталлар. Былырыын дьаҥынан сибээстээн онлайн эрэсииминэн барбыта.
Людмила ПОПОВА, “Саха сирэ” хаһыат, edersaas.ru
Хаартыска: informost.com