Ил Дархан Харыйата хайдах быһыылаахтык ыытыллара ахсынньыга быһаарыллыаҕа
Бүгүн СӨ үөрэҕин уонна наукатын миниистирэ Михаил Сивцев социальнай ситимнэринэн быһа сибээскэ тахсан ыйытыыларга хоруйдууругар, Ил Дархан быйылгы Харыйата хайдах быһыылаахтык ыытыллара ахсынньыга чопчуланыаҕын иһитиннэрдэ.
“Билиҥҥитэ эпидемиологическай балаһыанньа олус үчүгэйэ суох. Онон бары тэрээһиннэр онлайн көрүҥүнэн бараллар. Ахсынньыга балаһыанньа хайдах буоларын көрүөхпүт”, — диэн иһитиннэрдэ.
Санатан эттэххэ, М.К. Аммосов аатынан Хотугулуу-Илиҥҥи федеральнай университекка туттарсар СӨ Ил Дарханын стипендиаттарыгар былырыыҥҥыттан баал эбиллэр. Ол иһин оҕо да, төрөппүт даҕаны маныаха улахан интэриэстээх.
Людмила ПОПОВА, “Саха сирэ” хаһыат, edersaas.ru
Мария ВАСИЛЬЕВА (СИА) хаартыскаҕа түһэриитэ.
+1
+1
+1
+1
+1
+1
+1