Айылҕа харыстабыла Сүрүн

Ил Дархан Хаҥаласка баһаардары көрө-истэ көттө

От ыйын 27 күнүгэр сарсыардаттан Ил Дархан Айсен Николаев Хаҥалас улууһугар ойуур баһаардарын үөһэттэн көрө-истэ, балаһыанньаны миэстэтигэр тиийэн билсэ көттө. Кини “Өлүөнэ очуостара” национальнай пааркаҕа эмиэ сылдьыаҕа. Ол туһунан пресс-сэкиритээрэ Афанасий Ноев иһитиннэрдэ.

 

Санатар буоллахха, «Өлүөнэ очуостарыгар» билигин тиэхиньикэ тиийбэт сиригэр 4 баһаары умулларыыга «Авиалесоохрана» парашютист-десантниктара заповедник үлэһиттэрин кытары күнүстэри-түүннэри үлэлии сылдьаллар. Бу баһаардар салгыы тарҕаналлара бохсуллубут.

Ил Дарханы кытары “Рослесхоз” федеральнай ойуур хаһаайыстыбатын ааҕыныстыбатын салайааччытын солбуйааччы Александр Агафонов, РФ Ыксаллаах быһыы-майгы министиэристибэтин Саха сиригэр кылаабынай управлениетын начаалынньыга Павел Гарин уонна да атын баһаардары умуруорууга сыһыаннаах дьон көттүлэр диэн СИА суруйда.

 

Ангелина Васильева, “Саха сирэ” хаһыат, edersaas.ru

Хаартыска: СИА.

1
0