“Ил Дархан гранынан оҕо былаһааккатын саҥардаары сылдьабыт”

Ааптар: 
Бөлөххө киир:

Сунтаар улууһун “Сомоҕо” уопсастыбаннай тэрилтэ бэрэссэдээтэлэ Константин Тотонов: “Ил Дархан гранынан оҕо былаһааккатын саҥардаары сылдьабыт”, — диир.

edersaas.ru

Сунтаар улууһун Сунтаар нэһилиэгин “Сомоҕо” ТОС Ил Дархан граныгар кыттан кыайбыт. Тэрилтэ сүрүннээн уопсастыбаннай үлэнэн дьарыктанар. Араас граннарга кыттан улууска, түөлбэлэргэ былаһааккалары көрөллөр-истэллэр, кырдьаҕастары, инбэлииттэри өйүүргэ көрүллэр субсидияларга кыттан көмөлөһөллөр.

Сунтаарга баар былаһаакканы саҥардар  соруктаах “Сомоҕо” комплекснай былаһаакка” диэн тиэмэҕэ бырайыак суруйан, куонкуруска кыттан кыайдыбыт. Үбүлээһинэ — 535 600 солк. номнуо киирдэ. Халлаан сылыйда да туруоран саҕалыыр былааннаахпыт. Манна оҕо былаһаакката эрэ киирбэт, ыччат ГТО нуорматыгар бэлэмнэнэллэригэр сөптөөх тренажердар эмиэ бааллар.

Бу иннинэ граннарга кыттан таһырдьатааҥҥы тренажердары ылан туруорбуппут. Быйыл оҕо былаһааккатын саҥардар соруктаахпыт.

Маннык граннар бааллара туһалаах диэн сыаналыыбыт. Уопсастыбанньыктар түөлбэлэрбит туох кыһалҕалаахтарын үрдүттэн сылдьан билэбит, көрөбүт. Дьону, олохтоох дьаһалтаны кытта үлэлиирбитигэр, сорох субсидиялары билбэт-көрбөт дьоҥҥо, ыкса ыалларбытыгар туох өйөбүл эрэйиллэрин кэмигэр бэлиэтээн көмөлөһө, дьону түмэ сатыыбыт. Грант көрүҥэ элбэх, — диэн бэрэссэдээтэл бэлиэтиир.

Украина Арассыыйа сыһыаннаһыытыгар, Арассыыйа күүтэн олорбокко, кэмигэр сөптөөх хамсаныыны оҥордо диэн этэр. Түөлбэм дьоно тэрилтэбит да аата этэринии биир сомоҕонон, тахсар ыарахаттары түмсэн, бэрэсидьиэммит, төрөөбүт дойдубут тула буолуоҕуҥ диир.

Людмила ПОПОВА, “Саха сирэ” хаһыат, edersaas.ru

+1
0
+1
0
+1
0
+1
0
+1
0
+1
0
+1
0