Ил Дархан Георгий Балакшины кытта сибээстээх айдааны бэрэбиэркэлииргэ сорудахтаата

Өрөспүүбүлүкэ Ил Дархана Егор Борисов бүгүҥҥү пресс-кэмпириэнсийэтигэр спорт миниистирэ Георгий Балакшины кытта сибээстээх айдаан күөдьүйүүтүн туһунан ыйытыыга хоруйдууругар, бу быһыыны-майгыны бэрэбиэркэлииргэ сорудах биэрбитин иһитиннэрдэ.

edersaas.ru

 Санатар буоллахха, бизнесмен Александр Яковлев (Нюрбинскай) социальнай ситиминэн тарҕаммыт информацияҕа спорт миниистирэ Георгий Балакшины Дьокуускайга сир учаастактарынан түөкүннээһиҥҥэ буруйдаабыта.

Уруккута икки доҕордуу киһи социальнай ситим нөҥүө бэйэ-бэйэлэрин кытта быһаарсыыларын сөбүлээбэтин ыйан туран, Ил Дархан үөскээбит быһыыны-майгыны бэрэбиэркэлииргэ, уопсастыбаннай дьыалалары кытта ситимнээҕэ билиннэҕинэ, борокуратуураны кытыннарарга  сорудах биэрбитин эттэ. 

Роман Попов, «Саха сирэ» хаһыат, edersaas.ru