Ил Дархан Айсен Николаев тохсунньу 13-14 күннэригэр Гайдаровскай пуорумҥа кыттыаҕа. Пуорум үгэс быһыытынан, Москваҕа Арассыыйатааҕы норуот хаһаайыстыбатын уонна судаарыстыбаннай сулууспа академиятыгар (РАНХиГС) буолуоҕа диэн Ил Дархан пресс-сэкиритээрэ Афанасий Ноев иһитиннэрдэ.
Быйыл Гайдаровскай пуорум «Россия и мир: приоритеты» диэн тиэмэлээх ыытыллар. Пуорум дьыалабыай бырагырааматын чэрчитинэн, Айсен Николаев геологическай салаалар уонна научнай-үөрэтэр киинэр сайдыыларыгар анаммыт дискуссионнай былаһааккаларга эспиэр быһыытынан үлэлиэҕэ.
Ону тэҥэ, Москваҕа үлэлиир командировкатын чэрчитинэн, өрөспүүбүлүкэ аҕа баһылыга былаас федеральнай уорганнарын бэрэстэбиитэллэрин кытары кэккэ көрсүһүүлэргэ сылдьан, Саха сирин социальнай-экэнэмиичэскэй сайдыытын боппуруостарын быһаарысаҕа.
Ангелина Васильева, “Саха сирэ” хаһыат, edersaas.ru
Хаартыска: sakhagov.ru