Ил Дархан Гайдаровскай форумҥа кыттыаҕа

Ааптар: 
Бөлөххө киир:

Саха сирин Ил Дархана Айсен Николаев тохсунньу 14-15 күннэригэр Москваҕа  Арассыыйа Федерациятын Бэрэсидьиэнин иһинэн Арассыыйатааҕы норуот хаһаайыстыбатын уонна судаарыстыбаннай сулууспатын академиятыгар буолар Гайдаровскай форумҥа кыттыаҕа, диэн өрөспүүбүлүкэ Ил Дарханын пресс-сэкирэтээрэ Афанасий Ноев иһитиннэрдэ.

Быйыл Гайдаровскай форум “Арассыыйа уонна аан дойду хамсык кэнниттэн” тиэмэҕэ ананар.

Хамсыктан сылтаан форум холбоһуктаах көрүҥүнэн барыаҕа: эспиэрдэр уонна спикердэр РАНХиГС киин кампуһун площадкатыгар дискуссияларга кыттыахтара, оттон кыттааччылар дьүүллэһиилэри онлайн көрүөхтэрэ.

Гайдаровскай форум кыттыылаахтара экэниэмикэ бэлиитикэтин, доруобуйа харыстабылын уонна үөрэхтээһин тиһиктэрин иннигэр турар кыһалҕалары, үлэ ырыынагын уонна тас экэнэмиичэскэй бэлиитикэ, судаарыстыбаны салайыы, урбаан уо.д.а тустарынан кэпсэтиэхтэрэ.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата

Бэлэмнээтэ Женни Стрюкова

Хаартыска: саайтан

+1
0
+1
0
+1
0
+1
0
+1
0
+1
0
+1
0