Ил Дархан фотограф Алексей Васильевы аан дойдутааҕы куонкуруска ситиһиитинэн эҕэрдэлээтэ

«World Press Photo» @worldpressphoto  диэн аан дойдутааҕы куонкуруска биир дойдулаахпыт  фотограф Алексей Васильев @lekon_v улахан ситиһиилэннэ.

Ол курдук Алексей хаартыскалара  «Contemporary issues» категория кыайыылааҕынан буолла. Бу туһунан Ил Дархан Айсен Николаев инстаграмҥа тус страницатыгар эҕэрдэлээн суруйда.

— Алексей хаартыскаларын сиэрийэтин «Сахавуд» диэн ааттаабыт уонна саха киинэтигэр анаабыт. Билигин биһиги киинэлэрбитин өссө хаартыскалар нөҥүө билэр буоллулар. Алексейы бу үрдүк ситиһиитинэн эҕэрдэлиибин!, — диэн Айсен Сергеевич суруйда.

edersaas.ru