Ил Дархан элбэх оҕолоох ийэлэр кыһалҕаларын быһаарарга эттэ

Бөлөххө киир:

Саха Өрөспүүбүлүкэтин Ил Дархана Айсен Николаев Саха сиригэр РФ бэрэсидьиэнэ Владимир Путин  приемнайыгар нэһилиэнньэни кытары көрүстэ.

edersaas.ru

Элбэх оҕолоох Яндреевтар  дьиэ кэргэттэрэ соторутааҕыта Сэргэлээх шоссетыгар туттубут саҥа  дьиэлэригэр гааһы киллэрии боппуруоһугар көмөлөһөллөрүгэр Айсен Николаевтан көрдөстө. Үс оҕолоох (биирдэстэрэ инбэлиит) ыал билигин дьиэ түүлэһэн олорор. Айылҕа гааһын үллэрэр ситимнэри тутуу  2025 сылга былааннанар. Саха сирин Ил Дархана гаастааһын бырагырааматын  көрөргө уонна тиэхиньиичэскэй өттүнэн кыах баар буоллаҕына, эһиилгиттэн үлэни саҕалыырга сорудахтаата. Тустаах сорудах СӨ бырамыысыланнаска уонна геологияҕа министиэристибэтигэр, “Сахатранснефтегаз” АУО-ҕа бэрилиннэ.

Ону таһынан бу күн элбэх оҕолоох ийэ Любовь Гермогеноваҕа көмөлөһөр туһунан быһаарылынна. Ийэ улахана оҕолоро үөрэнэр оскуолаларыгар кыра оҕотун эмиэ биэрэригэр кыһалҕаны көрсүбүт.

Айсен Николаев оҕону куорат 3 №-дээх орто оскуолатыгар бэһис кылааска ылыыны тус хонтуруоллууругар куорат мэрэ Евгений Григорьевка сорудахтаата. Билигин бу оскуолаҕа икки кылааска  (естественнай-научнай уонна социальнай-гуманитарнай) ордук миэстэлэр бааллар.

Надежда ЕГОРОВА, «Саха сирэ», edersaas.ru

+1
0
+1
0
+1
0
+1
0
+1
0
+1
0
+1
0