Ил Дархан Үөһээ Бүлүү улууһун баһылыгын кытары көрүстэ

Бөлөххө киир:
Бүгүн, тохсунньу 19 күнүгэр, Ил Дархан Айсен Николаев Үөһээ Бүлүү улууһун баһылыга Владимир Поскачины кытары көрүстэ.
Көрсүһүү кэмигэр муниципальнай тэриллии социальнай-экономичнскай сайдыытын, ааспыт сыллааҕы үлэ түмүктэрин уонна инники былааннар тустарынан кэпсэттилэр.

Ааспыт сыллааҕы социальнай-экономическай балаһыанньа түмүгүнэн улуус бигэ туруктаах. Бүддьүөт социальнай эбэһээтэлистибэлэрин толордо, судаарыстыбаннай уонна  муниципальнай бырагыраамалар олоххо киирэллэр.

Владимир Поскачин билигин улуус 2022 сылга ыытыллыахтаах Олоҥхо ыһыаҕар бэлэмнэнэрин туһунан иһитиннэрдэ.

«Ил Дарханы кытары көрсүү кэмигэр Олоҥхо ыһыаҕар бэлэмнэнии тула кэпсэттибит. Олунньуга тэрийэр кэмитиэт састааба бигэргэниэхтээх. Ол кэнниттэн култуурунай, социальнай эбийиэктэри тутуу, ыалдьыттары, кыттааччылары көрсүү боппуруостарын тула быһаарсыахпыт», — диэн  Владимир Поскачин кэпсээтэ.

Маны таһынан  2023 сылга судаарыстыбаннай уонна бэлитиическэй диэйэтэл Исидор Барахов төрөөбүтэ 125 сылын  бэлиэтэниэхтээҕин туһунан баһылык эбэн эттэ. Бу даатаҕа сөп түбэһиннэрэн Харбалаахха Исидор Барахов аатынан оскуола-саад уонна мусуой саҥа дьиэтэ тутуллуохтаах.

Владимир Поскачин  улууска билигин маассабай вакцинацияны ыытыы соруга турарын бэлиэтээн эттэ.

СӨ Ил Дарханын уонна Бырабыыталыстыбатын пресс-сулууспата

+1
0
+1
0
+1
0
+1
0
+1
0
+1
0
+1
0