Бүгүн, олунньу 10 күнүгэр, Ил Дархан Айсен Николаев Үөһээ Бүлүү улууһугар үлэлиир. Бу туһунан кини пресс-сэкирэтээрэ Афанасий Ноев иһитиннэрдэ.
Үөһээ Бүлүү сэлиэнньэтигэр Айсен Николаев аэропуорт служебнай-пассажирскай дьиэтин аһыллыытыгар кыттыаҕа. Бу саҥардан оҥорон тутуу кэнниттэн үлэҕэ киллэриллэр.
Оройуоннааҕы киин балыыһаҕа Ил Дархан рентген көмпүүтэр томографиятынан хааччыллыыны көрүөҕэ итиэннэ О.Д. Федорова аатынан киин библиотекаҕа сылдьан «Дарите книгу с любовью» аахсыйаҕа кыттыаҕа.
Мана таһынан, бүгүн, Харыйалаахха саҥа спортивнай саала аһыллара күүтүллэр.
СӨ Ил Дарханын уонна бырабыыталастыбатын пресс-сулууспата
+1
+1
+1
+1
+1
+1
+1