Ил Дархан ClubHouse социальнай ситимҥэ бастакынан таҕыста

Ааптар: 
Бөлөххө киир:

СӨ Ил Дархана Айсен Николаев  ХИФУ  «Точка кипения» тахсан, «Якутск – город будущего» лиэксийэни оҥордо.

Кини РФ субъектарын салайааччыларыттан ClubHouse социальнай ситиминэн бастакынан таҕыста. Манна ыҥырыынан киирбиттэр аудиочатынан бэйэ-бэйэлэрин кытары кэпсэтэллэр.

Ил Дархан манна өрөспүүбүлүкэ култууратын, инфраструктуратын сайдыытын устуоруйатын сиһилии сырдатта, ырытта. Маныаха кэнники уон сылга социальнай инфраструктура, суол-иис тиһигэ, хаарбах дьиэни көтүрүү үлэтэ күүскэ ыытыллыбытын, тиһиктээхтик салҕанарын түмүгэр, Дьокуускай улахан куоракка кубулуйан эрэрэ бэлиэтэннэ.
Кини: «Мин алта сыл устатыгар Дьокуускай куораты салайбытым. Ити кэм устатыгар биһиги балачча элбэҕи оҥорбуппут. Бүгүн ол үөрүйэхпинэн уонна билигин өрөспүүбүлүкэ баһылыгын үлэтигэр үөрүйэҕи холбуу тутан, Саха сирэ, өрөспүүбүлүкэ киинэ инникитин хайдах сайдан иһиэхтээҕин чопчу көрөбүн», — диэтэ.
Бу каартаҕа эрэ бэлиэтэммит сир-уот буолбакка, дьон-сэргэ олоҕун-дьаһаҕын эргиччи хабар эйгэтэ буоларын бэлиэтээтэ. Онуоха ырааҕы анааран, киэҥ хабааннаах сыалы-соругу туруоран үлэлээһин ирдэнэрин эттэ.
«Дьокуускай Саха сирин бары олохтоохторун умсугутар сирдэринэн буоларыгар, өрөспүүбүлүкэҕэ олох саҥа, ураты хаачыстба олохтоноругар эрэнэбин», — диэтэ.
Салгыы лиэксийэ кыттыылаахтарын, оскуола үөрэнээччилэрин, устудьуоннары, уопсастбанньыктары кытары сэһэргэстэ, ыйытыыларга хоруйдаата, дьон-сэргэ санаатын иһиттэ. Тэрээһин кыттыылаахтара социальнай ситиминэн ыытыллыбыт лиэксийэни биһирээтилэр уонна Ил Дархаҥҥа бу курдук өрөспүүбүлүкэни сайыннарыыга тирээн турар тиэмэлэринэн тахсарыгар санааларын тиэртилэр.
Бэлиэтээн эттэххэ, ClubHouse  — бу социальнай ситим, манна ыҥырыынан киирэн кэпсэтэҕин.
Ил Дархан уонна Бырабыталстыба пресс-сулууспата
Андрей Сорокин (СИА) хаартыскаҕа түһэриитэ
+1
0
+1
0
+1
0
+1
0
+1
0
+1
0
+1
0