Ил Дархан Айсен Николаев бүгүн күн иккис аҥаарыгар Чурапчы улууһугар үлэлээтэ. Тиийээт ойуур баһаарын умуруорууга үлэлээбит дьону уонна олохтоохтору кытары көрүстэ.
Айсен Сергеевич Чурапчыга сырыытын туһунан инстаграмҥа:
— Илин эҥэр улуустарын баһылыктарын кытары сүөһү аһылыгын бэлэмнээһин тула кэпсэттибит. Быйыл сайын хаһааҥҥытааҕар да курааннаан, өрөспүүбүлүкэҕэ 80-ча тыһыынча туонна от тиийбэт. Биһиги тиийбэт оту сороҕун атын эрэгийиэннэртэн атыылаһар итиэннэ мобильнай биригээдэлэр көмөлөрүнэн соҕотуопкалыыр былааннаахпыт. Бастатан туран, ол Томпо, Уус Алдан, Өймөкөөн улуустарыгар наада. Сүбэ мунньах түмүгүнэн бырабыыталыстыбаҕа сүөһү аһылыгын соҕотуопкалааһыҥҥа уонна тырааныспар ороскуотугар анаан эбии үп тыырарга сорудахтаатым, — диэн суруйда.
edersaas.ru