Ил Дархан быйылгы Анал этиитин тула эспиэр Айтал Яковлев санаата

Ааптар: 
Бөлөххө киир:

М.К.Аммосов аатынан Хотугулуу-Илиҥҥи федеральнай университет историческай факультетын деканын наукаҕа солбуйааччы Айтал Яковлев саныырынан, Саха сиригэр пандемия, айылҕа харыстабылыгар сыһыаннаах боппуруостар билигин сытыытык тураллар. Кини Ил Дархан Айсен Николаев быйылгы Анал этиитигэр бу боппуруоһу сыаллаан-соруктаан биэрэрин күүтэр.

«Быйыл өрөспүүбүлүкэҕэ баһаары кытары охсуһууга ыарахан сыл ааһан эрэр. Онон Ил Дархан Айсен Николаев кэлэр сылга бу манна бэлэмнэниигэ болҕомтотун ууруо диэн саныыбын. Итиэннэ тыа хаһаайыстыбатын, ол иһигэр кураан сайын түмүгэр, хаһаайыстыбалаах дьоҥҥо төлөбүргэ эмиэ өйөбүл баар буоларын күүтэбин. Бүтэһик икки сылга пандемияны, баһаары утары охсуһууга үлэлиир волонтердар уопсастыбаннас киинигэр буоллулар.

Мин саныырбынан, наукаҕа, култуураҕа, үөрэхтээһиҥҥэ, ол иһигэр институттар ирбэт тоҥу үөрэтиилэригэр кыттыыларын туһунан Айсен Сергеевич бэйэтин сыанабылын биэриэҕэ, көрүүтүн этиэҕэ.

Итиэннэ, биллэн турар, Анал этиигэ эрэгийиэҥҥэ цифровой сайдыы туһунан киирэрэ буолуо», — диэн эспиэр санаатын СИА-ҕа үллэһиннэ.

СИА.

+1
0
+1
0
+1
0
+1
0
+1
0
+1
0
+1
0