СӨ Ил Дархана Айсен Николаев «Буойун-кыайыылаахтар» монуменнарыгар сибэкки дьөрбөтүн уурда.
Бүгүн, ыам ыйын 9 күнүгэр, Улуу Кыайыы 76 сылын бэлиэтиир өрөгөйдөөх бэлиэ күн, Ил Дархан А.С.Николаев өрөспүүбүлүкэ олохтоохторун ааттарыттан уоттаах сэрии кыттыылаахтарыгар, тыыл бэтэрээннэригэр сүгүрүйдэ, «Буойун-кыайыылаахтар» монуменнарыгар уонна Умуллубат уокка тыыннаах сибэкки дьөрбөтүн уурда.
Аҕа дойду уоттаах сэриитигэр сырдык тыыннарын толук уурбут буойуттары кэриэстээн Ил Түмэн бэрэссэдээтэлэ Петр Гоголев, СӨ сүрүн федеральнай иниспиэктэр Евгений Корнеев, СӨ Үрдүкү суутун бэрэссэдээтэлэ Любовь Летучих, СӨ ИДьМ миниистирэ Владимир Прокопенко, СӨ Росгвардия управлениетын начаалынньыга Сергей Челищев, СӨ байыаннай комиссара Александр Авдонин, СӨ борокуруору солбуйааччы Александр Трухин, Бырабыыталыстыба чилиэннэрэ, Владыка Роман уо.д.а. сибэкки дьөрбөтүн уурдулар.
Улуу Кыайыы 76 сылыгар анаммыт долгутуулаах тэрээһиҥҥэ уоттаах сэриигэ сырдык тыыннарын толук уурбут буойуттарга, концлааҕырдарга эрэйи-муҥу көрбүттэргэ, сэрии толоонугар сураҕа суох сүппүттэргэ, кинилэр сырдык ааттарыгар сүгүрүйэн мүнүүтэ устата саҥата суох нөрүйэн турдулар. Бу кэнниттэн Арассыыйа уонна Саха Өрөспүүбүлүкэтин Өрөгөй ырыалара дуорайдылар. Колонна Кыайыы болуоссатын киин аллеятынан хаамта.
СӨ Ил Дархан уонна Бырабыыталыстыба пресс-сулууспата
Андрей Сорокин (СИА) хаартыскаҕа түһэриилэрэ
+1
+1
+1
+1
+1
+1
+1