Айылҕа харыстабыла Бэрээдэк Маны аах

Ил Дархан бултааһыны хааччахтыыр туһунан ыйаахха илии баттаата

Ил Дархан Айсен Николаев  25 муниципальнай тэриллиилэр сирдэригэр 2021/2022 бултааһын сезонун хааччахтааһын туһунан ыйаахха илии баттаата.

Бу ыйаах бултанар кыылы харыстыыр сыалтан «О животном мире» 52 №-дээх   федеральнай сокуон 21 ыстатыйатыгар, «Об охоте и о сохранении охотничьих ресурсов и о внесении изменений в отдельные законодательные акты Российской Федерации» 209 №-дээх федеральнай сокуон 22 ыстатыйатын  бастакы чааһын, бастакы пуунугар уонна бэс ыйын 23 күнүгэр тахсыбыт СӨ Ил Дарханын “СӨ иһинэн ойуур баһаардарын бохсор сыалтан эрэгийиэннэҕи ыксаллаах быһыыны-майгыны олохтооһун”  1912 №-дээх  ыйааҕыгар олоҕуран ылынна.
Бу ыйааҕынан эрэгийиэннээҕи ыксаллаах быһыы-майгы эрэсиимэ уһуллуон иннинэ 2021/2022 сыллааҕы  булт сезонугар 25 муниципальнай тэриллиилэр сирдэригэр бултааһын бобуллар.
Бу мунициапльнай тэриллиилэр истэригэр киирэллэр: Алдан, Амма, Үөһээ Бүлүү Дьааҥы, Бүлүү, Горнай, Эдьигээн, Кэбээйи, Ленскэй, Мэҥэ Хаҥалас, Мииринэй, Муома, Нам, Ньурба, Өймөкөөн, Өлүөхүмэ, Сунтаар, Таатта, Томпо, Уус Алдан, Уус Маайа, Хаҥалас, Чурапчы улуустара, Эбээн Бытантай национальнай оройуона уонна «Дьокуускай куорат» куораттаҕы уокурук.

СӨ Экология уонна айылҕаны туһаныы министиэристибэтигэр бу хааччахтааһыны хонтуруоллуурга дьаһал бэрилиннэ.

«Саха сирэ» хаһыат, edersaas.ru

Хаартыска: sakha.gov.ru

 

0
0