Саха Өрөспүүбүлүкэтигэр Булчут күнэ 2012 сыллаахха Ил Дархан ыйааҕынан муус устар ый бастакы субуотатыгар олохтоммута.
Булчут күнүнэн Ил Дархан Айсен Николаев өрөспүүбүлүкэ олохтоохторун эҕэрдэлээтэ:
— Биһиэхэ, сахаларга, бу ураты күн. Бултааһын биһиги култуурабытын, итэҕэлбитин кытары быһаччы сибээстээх. Оҕолорбутун иитиигэ эмиэ улахан оруоллаах. Биһиги уолаттарбытын айылҕаҕа харыстабыллаахтык сыһыаннаһарга, тулалыыр эйгэни таптыырга үөрэтэбит. Саха сирин эр дьоно — дьиэ кэргэннэрин уонна төрөөбүт дойдуларын көмүскээччилэрэ.
Сыллата муус устар бастакы субуотатыгар өрөспүүбүлүкэҕэ Булчут күнэ бэлиэтэнэр. Бу күн норуодунай бырааһынньыкка кубулуйда, — диэн туран, Ил Дархан Саха сирин олохтоохторугар, булчуттарга эҕэрдэтин тириэртэ.
edersaas.ru
Хаартыска: http://sakha.gov.ru