СӨ Ил Дархана Айсен Николаев бу нэдиэлэҕэ Москваҕа үлэлиир диэн пресс-сэкирэтээрэ Афанасий Ноев иһитиннэрэр.
Оробуочай сырыы кэмигэр эрэгийиэн баһылыга 2021 сылга чоҕу тиэйэн таһаарыы, кэлэр сылга былааннар боппуруостарынан РФ Бырабыыталыстыбатын бастакы вице-премьерын Андрей Белоусов салалталаах мунньахха кыттыаҕа.
Уһук Илин сайдыытын көҕүлээһиннэрин торумнааһын мунньаҕар Айсен Николаев нэһилиэнньэ ахсаанын элбэтии, төрөөһүнү үрдэтии, өлүүнү аччатыы туһунан этиилэри ырытыаҕа.
Маны тэҥэ Ил Дархан РФ Оборуонаҕа министиэристибэтин VII Биэдэмэстибэлэр икки ардыланааҕы научнай-практическай кэмпириэнсийэлэригэр кыттыаҕа.
Ил Дархан уонна Бырабыыталыстыба дьаһалтатын пресс-сулууспата.
+1
+1
+1
+1
+1
+1
+1