Ил Дархан Е.А.Борисов бүгүн Горнай Бэрдьигэстээҕэр тиийдэ. Егор Афанасьевич чөлүгэр түһэрии үлэтэ хайдах ыытылла турарын көрдө, олохтоохтору кытары көрсөн кэпсэттэ, санааларын иһиттэ.
Ил Дархан Бэрдьигэстээххэ тиийээт, тута саахал тахсыбыт хочуолунайыгар тиийдэ. Бу туһунан egorborisov.ru сайтыгар суруйдулар. Хочуолунай бөһүөлэк киин кыбартаалларын, ол иһигэр 26 административнай, 18 чааһынай (өссө икки маҕаһыыны) уонна элбэх кыбартыыралаах 12 дьиэни итиинэн хааччыйан олорбута. Манна барыта 87 ыал, ол иһигэр 193 киһи олорор.
Билигин Дьокуускайтан илдьибит көһөрүллэ сылдьар 1 МВт кыамталаах модульнай хочуолунайы туруора сылдьаллар.
Егор Афанасьевич Бэрдьигэстээхтээҕи орто оскуола хочуолунайын көрдө. Бу хочуолунайга ититиитэ суох хаалбыт дьиэлэр холбонуллуохтаахтар. Аны аҕыйах чааһынан ититии бу дьиэлэргэ бэриллиэхтээх.
Анивера АКИМОВА, «Саха сирэ» хаһыат, edersaas.ru
+1
+1
+1
+1
+1
+1
+1