Айсен Николаев оробуочай сырыынан Ньурба улууһугар тиийдэ. Салгыы өрөспүүбүлүкэ баһылыга Үөһээ Бүлүү улууһугар үлэлиэҕэ. Оттон сарсын Бүлүүгэ тиийиэҕэ.
Ньурбаҕа Ил Дархан социальнай эбийиэктэр уонна суоллар тутууларын, өрөмүөннэрин көрүөҕэ-истиэҕэ.
Бырабыыталыстыба уонна муниципальнай оройуон доруобуйа харыстабылыгар бииргэ үлэлээһиҥҥэ сөбүлэһии түһэрсэллэрэ былааннанар. Муниципалитет итиэннэ «Сахатранснефтегаз» хампаанньаны кытары оройуону гаастааһыҥҥа сөбүлэһии түһэрсиэҕэ.
Айсен Сергеевич Ньурбаҕа 2027 сылга ыытыллыахтаах IX Спортивнай оонньууларга бэлэмнэнии тэрийэр кэмитиэтин мунньаҕын ыытыаҕа.
Үөһээ Бүлүүгэ Айсен Николаев Куорамыкы күөл набережнайын аһыллыытыгар кыттыаҕа, Бүлүү өрүс кытылын бөҕөргөтүү үлэлэрин хаамыытын кытары билсиэҕэ.
Бүлүү улууһугар балыыһа комплексын тутуутун, Г.И. Чиряев аатынан бастакы нүөмэрдээх оскуола өрөмүөнүн көрүөҕэ.
edersaas.ru