Ил Дархан Бүлүү улууһун баһылыгын кытта көрүстэ

Өрүттэр улуус социальнай- экономическай сайдыытыгар сыһыаннаах боппуруостары дьүүллэстилэр. Көрсүһүү кэмигэр Сергей Винокуров аан бастаан эпидемиологическай быһыы-майгы туругун туһунан кэпсээтэ. Кини этэринэн, улууска саҥа коронавируснай инфекция балаһыанньа этэҥҥэ. Билигин инфекционнай балыыһаҕа биир киһи  эмтэнэр. Улууска уопсайа  коронавирус 33 түбэлтэтэ бэлиэтэммит.

Ойуур баһаарын туһунан этэр буоллахха, оройуон баһылыга иһитиннэрбитинэн,  7 баһаар умуруоруллубут.

Көрсүһүү кэмигэр Бүлүү психоневрологическай интэринээт-дьиэтин тутуу туһунан этилиннэ. Тутуу ааспыт сыл саҕаланыыта саҕаланан, 2021 сылга түмүктэниэхтээх.