Атырдьах ыйын 30-31 күннэригэр Айсен Николаев Үөһээ Бүлүү уонна Мииринэй оройуоннарыгар үлэлиэҕэ.
Сырыы биир сүрүн сыала – Бүлүү федеральнай трассатыгар муоста тутуутун хаамыытын бэрэбиэркэлээһин. Бу туһунан бүгүн өрөспүүбүлүкэ баһылыгын пресс- сэкирэтээрэ Афанасий Ноев иһитиннэрдэ. Ноев бэлиэтээбитинэн, Бүлүү федеральнай суолугар Ил Дархан Үөһээ Бүлүү уонна Ньурба оройуоннарын кыраныыссаларыгар Түүкээн үрэҕи уонна Мииринэй оройуонугар Аччыгый Ботуобуйаны туоруур муосталар тутууларын бэрэбиэркэлиэҕэ. Үөһээ Бүлүү оройуонугар Ил Дархан Саха АССР 100 сылыгар аналлаах өрөспүүбүлүкэ ыһыаҕар бэлэмнэнии хаамыытын туһунан билсиэҕэ уонна Кыайыы болуоссатыгар сибэкки дьөрбөтүн ууруоҕа итиэннэ Ийэ скверигэр сылдьыаҕа.
Мииринэй оройуонугар Айсен Николаев хаарбах дьиэлэртэн көһөрүү программатын олоххо киллэрии хаамыытын билсиэҕэ, оройуоннааҕы балыыһаҕа сылдьыаҕа. Маны таһынан оройуон социальнай- экономическай сайдыытын боппуруостарын сүбэ мунньаҕар өрөспүүбүлүкэ салайааччыта урут регионнааҕы кабинекка уонна муниципалитекка биэрбит сорудахтарын толорууну бэрэбиэркэлиэҕэ.
СӨ бырабыыталыстыбатын уонна Ил Дарханын пресс-сулууспата
+1
+1
+1
+1
+1
+1
+1