Ил Дархан Арассыыйа наукаларын академиятын бэрэсидьиэнэ Александр Сергеевтыын көрүстэ

Ааптар: 
Бөлөххө киир:

Саха сирин Ил Дархана Айсен Николаев кулун тутар 17 күнүгэр Саха Өрөспүүбүлүкэтин Наукаларын академиятын салалтатын кытта бииргэ Арассыыйа Наукаларын академиятын Бэрэсидьиэнинээн Александр Сергеевтыын көрсүһүүгэ кытынна.

edersaas.ru

Саха сирин баһылыга киирии тылыгар өрөспүүбүлүкэ Наукаларын академията билиҥҥи уонна кэлэр кэмҥэ үлэтэ өрөспүүбүлүкэ стратегическай бырайыактарын чинчийээһиҥҥэ уонна олоххо киллэриигэ, научнай-методическай арыаллааһыҥҥа сытарын туһунан эттэ.

Көрсүһүү биир сүрүн ырытыыта тыл харыстааһынын кыһалҕаларын тула буолла. Айсен Сергеевич Саха сиригэр бу кыһалҕаҕа улахан болҕомто уурулларын туһунан эттэ. Ол курдук, 1992 сыллаахха төрөөбүт тыл туһунан сокуон ылыллыбытын, 1996 сыллаахха Төрөөбүт тыл уонна сурук күнэ төрүттэммитин туһунан үллэһиннэ. 2019 сыллаахтан “2020-2024 сылларга Саха Өрөспүүбүлүкэтигэр судаарыстыбаннай уонна официальнай тыллары харыстааһын уонна сайыннарыы” бырагыраамата олоххо киирэн үлэлии турарын туһунан биллэрдэ. Бу бырагыраама чэрчитинэн саха тылын тэҥэ эбээн, эбэҥки и юкагир тылларын харыстыыр, сайыннарар үлэлэр бара тураллар.

Арассыыйа наукаларын академиятын бэрэсидьиэнэ Александр Сергеев бэйэтин харда этиитигэр биһигэ эрэгийиэммит үрдүк таһымнаах научнай-технологическай кыаҕын бэлиэтээтэ уонна Саха сирин Ил Дархана Айсен Николаевы наука сайдыытын өйүүрүн, фундаментальнай уонна олоххо туһаныллар чинчийиилэри Саха Өрөспүүбүлүкэтэ хамаҕатык үбүлүүрүн бэлиэтээтэ. РАН бэрэсидьиэнэ Саха сирин Наукаларын Академията дойду эрэгийиэннэрин түөрт ордук үчүгэйдик үлэлиир академията буоларын туһунан эттэ.

«Саха сирэ» хаһыат, edersaas.ru

Хаартыска sakha.gov.ru

+1
0
+1
0
+1
0
+1
0
+1
0
+1
0
+1
0