Ил Дархан Арассыыйа инновационнай эрэгийиэннэрин ассоциациятын мунньаҕар кытынна

16.01.2021
Бөлөххө киир:

Москваҕа Гайдаровскай пуорум чэрчитинэн Арассыыйа инновационнай эрэгийиэннэрин ассоциациятын (АИРР) мунньаҕа ыытылынна. Манна СӨ Ил Дархан Айсен Николаев кыттыыны ылла. Тэрээһиҥҥэ РФ Бырабыыталыстыбатын Бэрэссэдээтэлин солбуйааччы Марат Хуснуллин уонна РФ Тутууга уонна ОДьКХ миниистирэ Ирек Файзуллин кыттыыны ыллылар.    

edersaas.ru

Ассоциация бэрэстэбиитэллэрэ ааспыт сыл түмүгүн билиһиннэрдилэр. Хоруона хамсыга саҕаланыаҕыттан АИРР РФ Бырабыыталыстыбатыгар коронавирус экэниэмикэҕэ содулу оҥорботун туһугар этиилэри киллэрбит. Маны таһынан, ассоциация региональнай сайдыыга РФ Бырабыытылыстыбатын хамыыһыйатыгар күүс-көмө буолбутун туһунан бэлиэтээтилэр.  Коронавируһу утары охсуһууга ураты идиэйэлээх, үлэлээх дьон бырайыактарын хомуйууга, уопут атыстаһыыга ассоциация эмиэ улахан үлэни ыыта сылдьарын туһунан бэлиэтээн эттилэр.

Маны таһынан, үлэни-хамнаһы торумнаатылар. Манна түмсүү чилиэннэрэ РФ Бырабыыталыстыбатын Бэрэссэдээтэлин солбуйааччы Марат Хуснуллины кытары тутуу, дьиэ-уот-коммунальнай хаһаайыстыба, тырааныспар, эрэгийиэн сайдыытын туһунан тыын боппуруостары дьүүллэстилэр.

Саха сирин Ил Дархана хаарбах дьиэттэн көһөрүү нормативнай-правовой баазатыгар уларытыылары киллэрэргэ диэн вице-премьерга этии киллэрдэ. Маны таһынан, эрэгийиэн баһылыга РФ уу  кодексатыгар эмиэ уларыйыылар киириэхтэрин наадатын туһунан эттэ. Чуолаан уу ылбыт сирдэригэр хапытаалынай тутуу эбийиэктэрин туһунан быраабыла хаттаан көрүллүөн наадатын бэлиэтээтэ.

  Санатан эттэххэ, Саха сиригэр хаарбах туруктаах дьиэттэн көһөрүүгэ улахан бырагыраама үлэлиир. Биэс сыл иһигэр, уопсайа өрөспүүбүлүкэ үрдүнэн 1 мөлүйүөн кв.м. хаарбах туруктаах дьиэ көтүрүллүөхтээх, 60 тыһыынча киһи хаарбахтан саҥаҕа көһүөхтээх. Ааспыт сыл түмүгүнэн, көһүүгэ анаан эрэгийиэн үрдүнэн 43 элбэх кыбартыыралаах дьиэ тутуллубут. Саҥа дьиэни 5,5 тыһыынча киһи ылбыт. Саамай элбэх дьиэ Чурапчы улууһугар, Дьокуускайга, Алдан уонна Өлүөхүмэ оройуоннарыгар тутуллубут. Оттон Жатай бөһүөлэгэ дойду үрдүнэн аан бастакынан хаарбах туруктаах дьиэттэн олоччу босхоломмута.

АИРР РФ субъектарын интэриэһин көмүскүүр аналлаах үлэлиир.

СӨ Бырабыытылыстыбатын уонна СӨ Ил Дарханын пресс-сулууспата.

Гавриил Григоров (ТАСС) хаартыскаҕа түһэриитэ

+1
0
+1
0
+1
0
+1
0
+1
0
+1
0
+1
0