Ил Дархан Анал этиитин иннинэ санааны үллэстии

Бөлөххө киир:

Ил Дархан Айсен Николаев быйылгы Анал этиитин тула кэпсэтиилэр, ырытыһыылар бара тураллар. Дьон-сэргэ санаатын сайа этэн, өрөспүүбүлүкэбит сайдарыгар, норуоппут олоҕо тупсарыгар кылааттарын киллэрсэллэр.

edersaas.ru

СӨ норуодунай суруйааччыта Наталья Михалева-Сайа:

Билигин саха омугун тирээн турар кыһалҕатынан оҕо төрөөбүт тылын сүтэрэр турукка киирбитэ буолар. Олохпут сайдыыта аҕалбыт иэдээниттэн быыһанар суол — сыыппара эйгэтигэр оҕо төрөөбүт тылынан көрөр, истэр, оонньуур, ааҕар, иитиллэр, үөрэнэр эйгэтин тэрийии. Сахалыы ойуулуктары (мультфильмнары) оҥоруу, ханнык эрэ үөрэтэр, оонньотор киллэһиктэри айыы билигин барыта уопсастыбаннас тэрээһининэн, ким хайдах сатыырынан бара турар. Дьон ыксаан бэйэтэ бириистэри туруоран күрэхтэри тэрийэр. Мин саныахпар, маны судаарыстыба бэйэтин хонноҕун анныгар уталыппакка ылан, ситимнээх, үптээх-харчылаах үлэни ыытыахтаах. Ону сэргэ, оҕо литературатын сайыннарыы, ис хоһоонун билиҥҥи оҕо кэрэхсиир таһымыгар таһаарыы соруга турар. Оҕо олоҕор сахалыы куттаах саҥа дьоруойдар, доҕоттор киирэн кэлиэхтээхтэр. Манна өрөспүүбүлүкэ айар-суруйар, ойуулуур-дьүһүннүүр, устар-көрдөрөр дьоно бары кытталларын күөртүүр дьаһаллар ылыллыахтаахтар.
Уус-уран айымньылары тылбаастыыр үлэ сүрүннэммэккэ турар. Айымньы — эмиэ өй-санаа, айар дьоҕур оҥорон таһаарар бородууксуйата. Кини эмиэ киэҥ ырыынакка тэрээһиннээхтик тахсара суруйааччылары бастыҥ айымньылары айалларыгар көҕүлүүр күүс буолуо этэ, -– диэн санаатын үллэһиннэ.

Надежда ЕГОРОВА, «Саха сирэ» хаһыат, edersaas.ru

+1
0
+1
0
+1
0
+1
0
+1
0
+1
0
+1
0