Уопсастыба

Ил Дархан Анал этиитигэр ыччат санаата



Наталья Максимова ХИФУ мэдиссиинэҕэ институтун 5-с кууруһун устудьуона. Кини быйыл күһүн бэйэтин баҕатынан коронавируһу кытта охсуһууга үлэлэспитэ. 

Ил Дархан Анал этиитин Наталья саалаҕа олорон истибитэ.

— Мин бастакыбын маннык тэрээһиҥҥэ сырыттым. Онон үөрдүм да, долгуйдум да. Тэрээһин үрдүк таһымнааҕын көрөн астынным. Бырабыытылыстыбабыт коронавируһу утары охсуһууга улахан болҕомтотун уурара көстөр.  Ил Дархан киэҥ далааһыннаах иһитиннэриини биэрдэ. Онно биллэн турар, кэлэр сыл Доруобуйа сылынан биллэриллибитин истэн үөрдүм. Нэһилиэнньэ санитарнай нуорманы тутуһар наадалааҕын өйдүүр буолар ини диэн эрэнэбин. Быраастар үлэлэрэ кыратык да буоллар чэпчиэ этэ.

Бу күһүн ыраахтан олорон үөрэнэ сырыттахпытына, үһүс поликлиникаҕа баҕалаахтар үлэлиэххитин сөп диэн этии киирбитэ. Мин өр  толкуйдаабакка, коронавирус дьаҥын утары охсуһарга үлэлэһэн барбытым. Сотору буолан баран,  үһүстэн алтыс кууруска диэри үөрэнээччилэри барыбытын көмөлөһөргө эппиттэрэ. Мин төлүпүөнүнэн үлэҕэ олорбутум.

Өлүөнэ өрүһү туоруур муоста тутуллуутун туһунан үөрэ иһиттибит.

3
0

Санааҕын суруй