Ил Дархан Анал этиитигэр Арктика сайдыытын туһунан эттэ...
Олох-дьаһах

Ил Дархан Анал этиитигэр Арктика сайдыытын туһунан эттэ

Ил Дархан Айсен Николаев Анал этиитигэр өрөспүүбүлүкэ Арктикатын сиригэр баар оройуоннары аһынан-үөлүнэн хааччыйыы боппуруоһун быһаарарга эттэ. 

СӨ баһылыга бэлиэтииринэн, өрөспүүбүлүкэ сыллата Арктикаҕа бородууктаны тиэрдии соруктарын быһаарар, быйыл Бырабыыталыстыба бу соругу толорбут. Бүгүҥҥү күҥҥэ Арктика олохтоохторугар сөбүгэр сыанаҕа үүт ас, сибиэһиэй оҕуруот аһа, фрукта тиийбэт. Итиэннэ килиэби оҥоруу уонна оҕо аһылыгын боппуруостара сытыытык тураллар.

Айсен Николаев Арктика олохтоохторун доруобуйаларын, сөптөөхтүк аһыылларын туһуттан, бу кыһалҕаны биир кэмник быһаарар кэм кэлбитин эттэ. Маныаха судаарыстыба өйөбүлүгэр тирэнэн,  дьоҕус урбаан уонна муниципалитет кыттыһыахтаахтарын бэлиэтээтэ. Бу быһаарылларын туһуттан систиэмэни тупсарыахха наада.

Ил Дархан Бырабыыталыстыбаҕа Арктика оройуоннарыгар баар килиэп буһарыытынан дьарыктанар, оҕуруот үүннэрэр, тэпилииссэлээх урбаанньыттары өйүүргэ миэрэлэри ыларга сорудахтаата. Ону сэргэ тустаах үлэ үүт аһынан уонна оҕо аһылыгынан хааччыйыыга эмиэ ыытылларыгар эттэ.

Айсен Николаев этэринэн, бу манан өрөспүүбүлүкэ Артика сайдыытыгар министиэристибэтэ дьарыктаныахтаах, оттон үп-харчы «СӨ Арктика сирин уонна хотугу аҕыйах ахсааннаах норуоттар сайдыыларын» бырагырааматыттан көрүллүөхтээх.

edersaas.ru

0
0

Сайт матырыйаалларын ааптар көҥүлэ суох ылар бобуллар.

Ваш адрес email не будет опубликован.

1 × один =