Бүгүн, балаҕан ыйын 2 күнүгэр, СӨ Ил Дархана Амма улууһугар үлэлиир. Бу туһунан кини пресс-сэкирэтээрэ Афанасий Ноев иһитиннэрэр.
Оробуочай сырыыга Айсен Николаев Абаҕа сэлиэнньэтигэр оскуола бастакы сыбаайата туруутугар уонна 120 миэстэлээх «Болугур» ТХПК хотоно арыллыытыгар кыттыыны ылыаҕа.
Ил Дархан Болугурга сылдьан элбэх оҕолоох Таппыровтарга ыалдьыттыаҕа. Дьиэ кэргэн аҕа баһылыга Артур Таппыров «Болугур» ТХПК-ҕа ыанньыксытынан үлэлиир. Кини соҕотоҕун түөрт кыра оҕону көрөр-истэр. Артур — көхтөөх уопсастыбанньык, чөл олоҕу өрө тутар киһи.
Маны сэргэ Айсен Николаев «Амматааҕы» АУо хомуурун үлэтин кытта билсиэҕэ.
Күн иккис аҥаарыгар Ил Дархан улуус дьаһалтатыгар Амма улууһа 2024 сылга диэри сайдар социальнай-экэнэмиичэскэй хайысхаларын көрөр мунньаҕы ыытыаҕа.
edersaas.ru
+1
+1
+1
+1
+1
+1
+1