СӨ Ил Дархана Егор Борисов Үлэ уонна социальнай сайдыы миниистирин Александр Дружинины дуоһунаһыттан босхолуур туһунан ыйаахха илии баттаата.

Александр Дружинин 1961 сыллаахха Эдьигээҥҥэ төрөөбүтэ. 1983 сыллаахха Новосибирскайдааҕы уу транспорын инженердарын институтун бүтэрэн, инженер-механик идэтин баһылаабыта. Оттон 2006 сыллаахха Россиятааҕы судаарыстыбаннай сулууспа академиятын бүтэрбитэ.

1983 с. — Дьокуускайдааҕы ЛБУП механига;

1983-1985 сс. — аармыйаҕа сулууспалаабыта;

1985-1990 сс. — ЛОРП Жатайдааҕы судоремонтнай судостроительнай собуотун «Смольнай» теплоходун иккис механига, ПДО диспетчерэ, тутааччы, салайааччы;

1990-1993 сс. — Жатайдааҕы Сэбиэт дьокутаата, Жатайдааҕы Сэбиэт бэрэссэдээтэлин солбуйааччы;

1993-1998 сс. — Жатай дьаһалтатын баһылыгын солбуйааччы;

1998-2003 сс. — Ил Түмэн народнай дьокутаата, үлэ уонна социальнай бэлиитикэ кэмитиэтин бэрэссэдээтэлин солбуйааччы.

2003-2007 сс. — Бырабыыталыстыба бэрэссэдээтэлин секретариатын салайааччытын солбуйааччы;

2007-2011 сс. — СӨ Үлэ уонна социальнай сайдыы миниистирин бастакы солбуйааччы;

2011-2014 сс. — Нэһилиэнньэ дьарыктаах буолуутун хааччыйыыга департамент салайааччыта;

2014 с. — СӨ Үлэ уонна социальнай сайдыы миниистирэ.