Ил Дархан: «Алданнааҕы хайыһар киинэ аан дойду таһымнаах буолуохтаах»

Саха сирин Ил Дархана Айсен Николаев Арассыыйа биатлонистарын сойууһун баһылыгын кытта көрүстэ. Көрсүһүүгэ биһиги региоммутугар биатлон сайдыытын, ону тэҥэ, өрөспүүбүлүкэ Арассыыйаҕа биатлоҥҥа ылар оруолун  дьүүллэстилэр. Алданнааҕы баазаны туһаныы тиэмэтигэр туспа суолта бэрилиннэ.

Саха сирин биатлонистарын сойууһун баһылыга Владимир Грачев этэринэн,  алтынньы ыйтан хаарга эрчийини мэктиэлиир кыахтаах Саха сирин эрчийэр киинэ – Арассыыйаҕа соҕотоҕун кэриэтэ. Сүүмэрдэммит хамаандалар бу кыаҕы толору кээмэйинэн сезоҥҥа бэлэмнииргэ туһанар кыахтаахтар.

Айсен Николаев өрөспүүбүлүкэ бэйэтин өттүттэн комплексы суһаллык саҥардан оҥорууга үбү буларга бэлэмин уонна СБР уонна IBU саамай үрдүк ирдэбиллэригэр эппиэтиир гына оҥорор кыах баарын бэлиэтээтэ. Бу түгэҥҥэ Алдан биатлонистарга үчүгэй эрчийэр баазанан буоларын сэргэ, күрэхтэһиилэри ыытыыны ылар кыахтаах – холобур, ШОС дойдуларын (Арассыыйа, Кытай, Казахстан, Киргизия, Узбекистан уо.д.а.).

СБР исписэлиистэрэ быйылгы сезоҥҥа Алдаҥҥа кэлэн спорт киинин сайдыытын уонна саҥардан оҥоруу былаанын дьүүллэһиигэ кытталлара күүтүллэр.

СИА.