Ил Дархан Айсен Николаев «Земскэй учуутал» бырагыраама бэрээдэгин бигэргэттэ
Ил Дархан Айсен Николаев Саха сиригэр «Земскэй учуутал» бырагыраама үлэлиир бэрээдэгин уонна көмө бэриллэр ирдэбилин бигэргэтэр ыйаахха илии баттаата.
edersaas.ru
Бу туһунан СӨ баһылыгын уонна бырабыыталыстыбатын пресс-сулууспата биллэрдэ.
50 тыһыынчаҕа тиийэ нэһилиэнньэлээх куораттарга уонна тыа сирин дэриэбинэлэригэр көһөн үлэлии барар, 55–гэр диэри саастаах орто анал эбэтэр үрдүк үөрэхтээх учууталларга көмө оҥоһуллар буолла. Куонкуруска кытааччы билигин олорор уонна үлэлиир сириттэн кырата 200 килэмиэтир тэйиччи сытар сиргэ көһөн үлэлии барара ирдэнэр.
Санатан кэпсээтэххэ, дойду бэрэсидьиэнэ Владимир Путин Судаарыстыбаннай мунньахха Анал этиитигэр “Земскэй учуутал” диэн бырагырааманы олохтуурун туһанан биллэрбитэ. Уһук Илин олорооччуларга бу көмө суумата икки мөлүйүөҥҥэ тэҥнэһэр.
Куонкуруска кыттар учууталлар сайаапкаларын ылыы бэрээдэгэ:
2020 сылга – тохсунньу 20 күнүттэн муус устар 15 күнүн киллэрэн туран
2021 сылга – тохсунньу 10 күнүттэн муус устар 15 күнүн киллэрэн туран
2022 сылга – тохсунньу 10 күнүттэн муус устар 15 күнүн киллэрэн туран
Ньургуйаана Иванова, «Саха сирэ» хаһыат, edersaas.ru
Хаартыска СӨ баһылыгын уонна бырабыыталыстыбатын пресс-сулууспатыттан