Ил Дархан Айсен Николаев: «Владимир Путины Арассыыйа Бэрэсидьиэнин быыбарыгар норуот өйүө диэн эрэнэбин»
![](https://edersaas.ru/wp-content/uploads/2022/02/Ajsen-Nikolaev-e1651825755716.jpg)
Ахсынньы 17 күнүгэр Саха сирин баһылыга Айсен Николаев «Биир Ньыгыл Арассыыйа» баартыйа XXI сийиэһигэр үлэлээтэ. Сийиэс кэмигэр баартыйа Владимир Путин Арассыыйа Бэрэсидьиэнин быыбарыгар кандидатуратын өйүүрүн туһунан быһаарыныыны ылынна.
Судаарыстыба баһылыга сийиэс кыттыылаахтарыгар Арассыыйа өр сыллаах стратегиятын гражданнары кытта быһаарар буолбутун бэлиэтээн эттэ.
«Баартыйа 2021 сыллаахха буолбут парламент быыбарыгар толкуйдаабыт бырагыраамата норуодунай ааты ылан олоххо киирэн, мөлүйүөнүнэн киһиэхэ анаммыта. Бу докумуон куруук сайда туруохтаах диэн кэпсэппиппит. Оннук буолан саҥа идиэйэлэринэн, бырайыактарынан ситэриллэн иһэр», — диэн Владимир Путин эттэ.
«Биир Ньыгыл Арассыыйа» баартыйа биһиги бэрэсидьиэммит Владимир Владимирович Путин кулун тутарга буолар судаарыстыба баһылыгын быыбарыгар кыттарын өйөөтө. Сийиэскэ үгүс эрэгийиэн уонна идэ бэрэстэбиитэллэрэ тыл этэн, Владимир Владимирович дойду сайдыытыгар улахан оруоллааҕын бэлиэтээтилэр. Билиҥҥи судургута суох кэмҥэ улахан кыайыыга сирдиир күүстээх лиидэр наада. Владимир Владимирович норуот өйөбүлүн ыларыгар эрэллээхпин», — диэн Айсен Николаев эттэ.
Ил Дархан уонна Бырабыыталыстыба дьаһалтатын пресс-сулууспата.