Москваҕа СӨ Ил Дархана Айсен Николаев РФ Бырабыыталыстыбатын бэрэссэдээтэлин солбуйааччы Марат Хуснуллины кытары көрүстэ.
Дьыалабыай кэпсэтии сүрүн тиэмэтинэн өрөспүүбүлүкэҕэ уонна Хотугулуу-Илин барытыгар сүдү суолталаах инфраструктурнай бырайыактары олоххо киллэрии туһунан буолла. Илиҥҥи полигоҥҥа Байкал-Амур суолун кэҥэтии туһунан дьүүллэстилэр. Бу бырайыак Саха сиригэр таас чох салаатын сайыннарыыны күүскэ көҕүлүө уонна АТР дойдуларыгар экспорка таһаарыыны улаатыннарарга кыаҕы биэриэҕэ.
Санатан эттэххэ, бэс ыйын 1 күнүгэр РФ Бэрэсидьиэнэ Владимир Путин Сибииргэ уонна Уһук Илиҥҥэ тимир суоллары сайыннарыыга хамыыһыйаны тэрийэр туһунан быһаарыыга илии баттаабыта. Хамыыһыйа организациялар үлэлэрин сүрүннүө уонна Илиҥҥи полигоҥҥа тутуу хаамыытын хонтуруоллуо, ону сэргэ, инфраструктурнай бырайыактар бэйэлэрин икки ардыларыгар сибээстээх, сөп түбэсиһэр буолууларын кэтээн көрүөхтэрэ диэн этиллэр. Ил Дархан уонна вице-премьер, маны сэргэ, Өлүөнэ эбэни туоруур муостаны тутуу туһунан дьүүллэстилэр.
+1
+1
+1
+1
+1
+1
+1