Бэлиитикэ Сүрүн

Ил Дархан Айсен Николаев Валентина Матвиенколыын көрүстэ

Федерация Сэбиэтигэр Саха Өрөспүүбүлүкэтин баһылыга Айсен Николаев Арассыыйа парламенын Үрдүкү палаататын спикерэ Валентина Матвиенконы кытта дьыалабыай көрсүһүүтэ буолан ааста.

Көрсүһүүгэ Ил Түмэн Бэрэссэдээтэлэ Алексей Еремеев кыттыыны ылла.

“Валентина Ивановнаны өрөспүүбүлүкэ бүгүҥҥү туругун кытта билиһиннэрдим, ааспыт сыллааҕы ситиһиилэрбитин уонна көрдөрүүлэрбитин көрдөрдүм, өрөспүүбүлүкэ ыччата көҕүлээбит «Сүүс сыллааҕы сайдыы былаана» бэртээхэй бырайыак туһунан кэпсээтим. Валентина Ивановна өрөспүүбүлүкэҕэ нэһилиэнньэ ахсаана тэтимнээхтик элбээн эрэрин үөрэ иһиттэ. Кини Саха сиригэр биллэриллибит Ийэ сыла уонна «Үйэ оҕолоро» тус сыаллаах хапытаал Саха сирэ үбүлүөйдээх сылыгар нэһилиэнньэ ахсаана мөлүйүөҥҥэ тиийэригэр  көҕүлүүр күүс буолалларыгар эрэлин биллэрдэ” — диэн Айсен Сергеевич бэйэтин инстаграмыгар суруйда.

Саха сирин Ил Дархана Валентина  Матвиенко өрөспүүбүлүкэбит көҕүлээһиннэрин куруутун өйүүрүн иһин, элбэх бырайыактары (холобур, Дьокуускай куоракка онкология киинин тутуу, “Арктика оҕолоро бырайыак уо.д.а.) тус бэйэтэ өйөөбүтүн иһин махталын биллэрдэ.

Көрсүһүүгэ эрэгийиэн 2021 сыллааҕы сайдыытын түмүктэрэ ырытылыннылар, экэниэмикэ сайдыытын, Үбүлүөйдээх сыл тэрээһиннэрин, эрэгийиэҥҥэ төрөөһүн тэтимэ үрдүк сыыппаралара көрүлүннүлэр. Өлүөнэ өрүс муостатын тутуу боппуруоһа таарылынна – Федерация Сэбиэтэ бу боппуруоһу куруутун өйүүрэ биллэр. Ону таһынан үрдүк үөрэх уонна доруобуйа харыстабылын сайыннарыы сүрүн кыһалҕалара ырытылыннылар.

«Саха сирэ» хаһыат, edersaas.ru

Хаартыска sakha.gov.ru

0
0
Telegram @edersaas20