СӨ Ил Дархана Айсен Николаев бүгүн, ахсынньы 24 күнүгэр, Анал этиилээх быһа эпииргэ таҕыста.
Ил Дархан нэһилиэнньэ кыахтаахтык олороругар тыа хаһаайыстыбатыгар болҕомто ууруу наадалааҕын эттэ. Тыа сиригэр дохуот үрдээһинэ үүнэр сылга саҥа таһымҥа тахсыаҕа диэтэ. Ол курдук тыа сиригэр дьон дьарыктаах уонна дохуоттаах буолуутун ситиһиигэ хас биирдии тус хаһаайыстыбаҕа 35 тыһыынча солкуобай көмө көрүллэрин уонна үүт лиитэрэтин сыаната 30 солкуобай буоларын, онно эбии субсидия көрүллэрин эттэ.
Ол курдук, урукку өттүгэр үүт туттарар хаһаайыстыбалар 40-45 тыһыынча солкуобайы уонна субсидия ылар буоллахтарына, кэлэр сылтан 60-65 солкуобайы ылыахтара диэн Ил Дархан эттэ. «Ырыынак сыанатынан үүтү туттарыы хаһаайыстыба сайдарыгар көмөлөөх буолуоҕа, олохтоох бородууксуйаны оҥорон таһаарыыга судаарыстыба өйөбүлэ баар буолуоҕа» диэтэ.
Ульяна Захарова, edersaas.ru