Татарстан Бэрэсидьиэнэ Рустам Минниханов ыҥырыытынан Саха Өрөспүүбүлүкэтин Ил Дархана Айсен Николаев Казань куоракка тиийдэ. Кини онно Саха сирин күннэригэр кыттар.
Бүгүн, бэс ыйын 8 күнүгэр, Айсен Николаев татаар чулуу бэйиэтэ, литературнай кириитик, публицист, уопсастыбаннай диэйэтэл, тылбаасчыт Габдулла Тукай өйдөбүнньүгэр сырытта. Аныгы татаар тылын төрүттээччилэртэн биирдэстэрин пааматынньыгар сибэкки дьөрбөтүн уурда.
Маны сэргэ, Айсен Николаев бүгүн Рустам Миннихановы кытта бииргэ Саха сирин күннэрин үөрүүлээхтик арыйыы долгутуулаах бэлиэ чааһыгар кыттыыны ылыаҕа, эрэгийиэн салалтатын кытары дьыалабыай көрсүһүүлэргэ кыттыаҕа, ону таһынан Арассыыйа эрэгийиэннэрин салайар хамаандаларыгар үөрэтэр бырагыраама тэрээһинигэр сылдьыаҕа, Татарстан Өрөспүүбүлүкэтин социальнай-экэнэмиичэскэй сайдыытыгар уонна судаарыстыбаннай салалта технологияларыгар ситиһиилээх быраактыкалары билсиэҕэ.
Андрей Сорокин (СИА) хаартыскалара
+1
+1
+1
+1
+1
+1
+1