Татарстаҥҥа Айсен Николаев авиационнай промышленность үлэтин-хамнаһын билистэ итиэннэ Аркскай муниципальнай оройуоҥҥа «Сылгы күнүн» спортивнай бэстибээлигэр сырытта.
«Туполев» ПАУо филиалыгар
С. П. Горбунов аатынан Казань авиационнай собуотугар КАЗ дириэктэрэ Зуфар Миргалимовы уонна собуот салайааччыларын кытта көрсөн, Ту- 214 сөмөлүөтү тутуу хаамыытын билистэ. Баһылык бөртөлүөт собуотугар сырытта, онно Ми-8 көтөр ааллары оҥороллор.
Аркскай оройуоҥҥа президент Рустам Миннихановы кытта Айсен Николаев «Сылгы күнүн» бэстибээлигэр кытыннылар. Айсен Сергеевич Татарстан олохтоохторун «Сылгы күнүнэн» эҕэрдэлээтэ уонна Саха киһитигэр сылгы ытык кыыл буоларын бэлиэтээн эттэ. Итиэннэ «Тымныы полюһа» — Өймөкөөнтөн Москубаҕа диэри Дугуйдан Винокуров саха атынан айанын туһунан кэпсээтэ.
Аркскай оройуоҥҥа Айсен Николаев уонна Рустам Минниханов Старый Яваш дэриэбинэҕэ үүт комплексын үлэтин көрдүлэр-иһиттилэр.
edersaas.ru
+1
+1
+1
+1
+1
+1
+1