Ил Дархан Айсен Николаев Степан Саргыдаевы кытта көрүстэ.
Бүгүн, алтынньы 21 күнүгэр, СӨ Ил Дархана Айсен Николаев СӨ Ыччат дьыалаларыгар уонна социальнай коммуникацияларга миниистирдээбит Степан Саргыдаевы кытта көрүстэ.
Ил Дархан Степан Саргыдаевка министиэристибэ ситиһиилээх үлэтин иһин махтанна.
Степан Анатольевич 2018 сыллаахха алтынньыга СӨ Ыччат миниистиринэн талыллыбыта. Бу кэм устатыгар министиэристибэ уонна уопсастыбаннас иннигэр туруоруллубут сыаллар-соруктар толорулуннулар. Федеральнай уонна эрэгийиэн граннарыгар кыттар кэммиэрчэскэйэ суох тэрилтэлэр ахсааннара биллэ элбээтэ. Ыччат бэлиитикэтигэр тустаах министиэристибэ улахан болҕомтотун ууран, сыал-сорук туруоран далааһыннаах үлэни тэрийэр. Бүгүҥҥү күҥҥэ саҥа социальнай бырайыактары олоххо киллэрэр ыччат актыыба тэриллэр.
2021 сыл атырдьах ыйыгар СӨ Ил Дарханын сорудаҕынан, Степан Саргыдаев Горнай улууһун Бэс Күөлүн олохтоохторун туох баар наадалааҕынан хааччыйыы үлэтин сүрүннээтэ.
Степан Саргыдаев «Чурапчы оройуона» МТ баһылыгы бастакы солбуйааччы дуоһунаһыгар барарынан каадыр боппуруоһа быһаарылынна. С.А.Саргыдаев олохтоох бэйэни салайыныы органнарыгар үлэлииргэ улахан үөрүйэхтээх. 2005 сылтан нэһилиэк уонна улуус дьаһалтатыгар араас дуоһунастарга үлэлээбитэ.
Андрей Сорокин (СИА) хаартыскаҕа түһэриитэ
+1
+1
+1
+1
+1
+1
+1