Ил Дархан Айсен Николаев «Сахамедиа» генеральнай дириэктэрин Алексей Черткову кытары көрүстэ
Бүгүн, олунньу 1 күнүгэр, СӨ Ил Дархана Айсен Николаев «Сахамедиа» генеральнай диэриэктэрин Алексей Черткову кытары көрсөн, судаарыстыбаннай көрдөрөр-иһитиннэрэр эйгэ уонна Саха сирин бэчээтин сайдыытын туһунан кэпсэттилэр.
edersaas.ru
Алексей Чертков ааспыт сыл түмүктэрин билиһиннэрдэ. Тэрилтэ хамсык да кэмигэр туруоруллубут сорудаҕы сүүс быраһыан толорбутун эттэ. «Сахамедиа» бэчээтинэй уонна электроннай көрдөрөр-иһитиннэрэр эйгэлэрэ сонуннары, иһитиннэриилэри таһаарыыга, тарҕатыыга үрдүк таһымнаах үлэни ыыппытын туһунан бэлиэтээтэ.
Тэрилтэҕэ үлэ тэрээһинин саҥа тутула киирбитин, шеф-редактордар институттара тэриллибитин, саҥа гонорарнай систиэмэ киирбитин туһунан иһитиннэрдэ. «Сахамедиа” суруналыыстара Бүтүн Арассыыйатааҕы куонкурустар, бириэмийэлэр кыайыылаахтара буоллулар диэн эттэ.
Алексей Чертков «Сахамедиа» тэрилтэ 2025 сылга диэри сайдыытын былаанын сырдатта. Бу докумуоҥҥа судаарыстыбаннай көрдөрөр-иһитиннэрэр эйгэлэр сыыйа цифровой форматка киирэллэрин, онно каадырдары бэлэмниир туһунан үлэлэр ыйыллыбыттар.
Айсен Николаев этиллибит стратегияны сэҥээрдэ уонна электроннай эйгэни улаатыннарарга болҕомтону ууруохха наада диэтэ.
СӨ Ил Дархан уонна Бырабыыталыстыба пресс-сулууспата
Хаартыска Андрей Сорокин (СИА)