СӨ Ил Дархана Айсен Николаев 2021-2022 cc. оттук сезонугар сыһыаннаах Бырабыыталыстыба уонна федеральнай территориальнай былаас уорганнара, тэрилтэлэр уонна муниципальнай үөрэхтээһин баһылыктара, куорат уокуруктара кыттыылаах улахан мунньаҕы ыытта. Уопсай балаһыанньа улахан суһал быһыыта-майгыта суох этэҥҥэ диэн сыаналанна.
Бырабыыталыстыба бары тэрээһин үлэлэрин кэмигэр оҥорбут, ону сэргэ ОДьКХ эбийиэктэригэр саппаас оттук, уот-күөс барыта кэмигэр оҥоһуллубут. Оттугунан өрөспүүбүүкэ ОДьКХ тэрилтэлэрэ хааччыллыбыттар. Ордук суолга хааччахтаах оройуоннарга 394 тыһыынча туонна кытаанах оттук сапааһа баар, оттон убаҕас оттук 83 тыһыынча туонна, ол эбэтэр туттуллар уматык 58 тыһыынча туонна (143%). Оттон сорох кыһыннары оттук тиэрдиллэр оройуоннарга оттук тиэрдиитэ анал кыраапыгынан сиринэн айанынан үлэлиир. Ил Дархан бэлиэтээбитинэн, бырабыыталыстыба өҥөтүнэн саҥа сылга өрөспүүбүлүкэ ититиини биэрэр уонна эниэргийэ ресурсатын тиэрдээччилэргэ улахан кирэдьииккэ иэһэ суох үктэммит. Ол да буоллар, саҥа оттук сезонун кэмигэр Саха сиригэр 160 технологическэй кэһиллии (ааспыт сылга тэҥнээтэххэ 12 төгүл кыра), олортон хомунаалынай комплекска – 11, энэргиэтикэ эҥэр – 149 кэһилли буолбут. Бу барыта уот ситимин кэһиллиититтэн уонна айылҕа, дьон уонна тэрилтэлэр дьайыыларыттан тахсыбыт.
Мунньах кэмигэр бырабыыталыстыба бэрэссэдээтэлин бастакы солбуйааччыта Дмитрий Садовниковка хонтуруоллуур уорганнары кытта Өлүөхүмэ куоратыгар, Уус Майа Солнечнай бөһүөлэгэр хочуолунайдары бас билээччилэр уонна хомунаалынай ситимнэр икки ардыларыгар тахсыбыт уустук быһыыны-майгыны быһаарарга сорудахтаата.
«Хочуолунайдар уонна ситимнэр араас илиигэ баалларыттан балаһыанньа уустугурар», — диэн бэлиэтээтэ Ил Дархан. Чааһынайдар сүрүн үлэни тэрийбэттэр, иэстэрэ мунньуллар, ол түмүгэр оттук сезона саҕаланнаҕына кыһалҕа үөскүүр.
Айсен Николаев муниципальнай үөрэхтээһин баһылыктарыгар баһаар уонна уопсастыба көмүскэллээх буолуутун, ону таһынан бөх кэмигэр тиэллиитин боппуруостарыгар сүрүн болҕомтону ууралларыгар эттэ. Маны таһынан өрөспүүбүлүкэ аҕа баһылыга улуус баһылыктарыгар коронавирус дьаҥын бохсууга улуус боломуочуйатын туһунан санатта. Кини билигин даҕаны холкутуур эрдэтин ыйда: «Төһө да балаһыанньа арыый көммүтүн иһин, холкутуур эрдэ”, — диэтэ.