Айылҕа харыстабыла Сүрүн

Ил Дархан Айсен Николаев нэһилиэнньэҕэ анал этиититтэн

Өрөспүүбүлүкэ Ил Дархана Айсен Николаев анал этиилээх тэлэбиидэнньэнэн  быһа эфиргэ таҕыста.

Ойуур баһаардарынан сибээстээн Дьокуускайы ааҕан туран, 51 нэһилиэнньэлээх пууҥҥа буруо тарҕаммытын  бэлиэтээтэ. Балаһыанньа уустугун, онуоха бары миэрэлэр ылыллыбыттарын иһитиннэрдэ. Кини РФ ЫБММ, Оборуонатын министиэристибэтин көмөтүн бэлиэтээтэ. Ордук Горнай, Сунтаар, Хаҥалас, Мииринэй оройуоннарыгар ойуур баһаарын балаһыанньата уустугун бэлиэтээтэ: «Бүтэһик нэдиэлэҕэ 12 ойуур баһаарын умуллардыбыт. Билигин 70 ойуур баһаарын умуллара сылдьаллар. Уопсайа 80 баһаарынан аччаатыбыт. Сири тиэрии, тиэхиньикэлэри түмэн олохтоох дьон түүннэри-күнүстэри үлэлиир. Олохтоохтор көхтөөхтүк кытталлар. Аһы-үөлү олохтоох дьон бэлэмнээн көмөлөһөллөр. Бары бииргэ түмсэн үлэлииллэр. Сарсыҥҥыттан устудьуоннар этэрээттэрин хамсааһына ойуур баһаарын умуруорууга көмөлөһө тахсыаҕа. Төһө да уустугун иһин холкутуу сатааҥ, ол эрээри сэрэхтээх буолууну тутуһуҥ», — диэн эттэ Ил Дархан Айсен Николаев.

https://www.instagram.com/tv/CRdjTLBq30l/?utm_medium=copy_link

 

Ульяна Захарова, edersaas.ru

0
0